Áššehasbálvalus

Vehádatáittardeaddji doaimmahagas lea áššehasbálvalus, gosa sáhttá váldit oktavuođa
  •  jos leat vásihan dehe fuobmán vealaheami iežat etnihkalaš álgoboahtimuša dehe dan geažil go don leat olgoriikka olmmoš 
  •  jos vásihat iežat šaddan rasisttalaččat dehe eahpeáššálaččat gieđahallon seamma ákkaid mielde
  • ovdal máinnašuvvon áššiin maid nuppi olbmo beales dehe oktasaš áššis
Vealahandáhpáhusain vehádatáittardeaddji riepmá dárbbašlaš doaibmabijuide.

Earái go etnihkalašvuhti dehe olgoriikkaid olbmuid riikkavulošvuhtii gullevaš vealaheami bearráigeahččan dehe daid áššiid neavvun ii gula vehádatáittardeaddji doaibmasuorgái. Dárbbu mielde mii oahpistit dáhpáhusa áššiš doaibmaválddálaš eiseváldái.
 
Vehádatáittardeaddji doaimmahahkii sáhttá váldit oktavuođa čuovvovaš lágiid mielde:
 
Telefuvdna
 
Gohcci telefuvnna nummár lea 071 878 8666 (árggaid 10-12). Telefuvnnas gohcci alladárkkisteaddji neavvu ášši čoavdima várás ja šiehttá vejolaš joatkkadoaibmabijuin ášši ovddos doalvuma dihte.
 
Telefuvnnas sáhttit bálvalit du suoma-, ruoŧa- dehe eŋgelasgillii.

Gohcci telefuvnnas leat boradan- ja ráđđádallanbottat. Dalle telefuvnnat mannet telefunguovddážii, gos ilmmuhit dárkileappot goas beassá áššehasbálvalussii.
 
Rávdnjeboasta dehe reive

Vealahandáhpáhusain ja eará gažaldagain midjiide sáhttá sáddet rávdnjeboastta čujuhussii ofm(at)ofm.fi. 
 
Reivviid sáhttá sáddet čujuhussii:
Vehádatáittardeaddji doaimmahat
PB 26
00023 STÁHTARÁĐĐI
 
Reivve sáhttá guođđit maid fáktameaštárii, čujuhusas Mikonkatu 25, Helsinki.
 
Jos it máhte suoma-, ruoŧa-, dehe eŋgelasgiela, de sáhtát doaimmahit reivve dehe rávdnjeboastta maiddái iežat eatnigillii, goas vehádatáittardeaddji doaimmahat jorgalahttá reivve. Dát ii dagat áššehassii goluid. Mii sávvat, ahte du doaimmahan deavstta guhkkodat livččii eanemusat guovttesiidosaš.
 
Fuomášanveara áššit:
 
Doaimmahaga bálvalusat leat nuvttá. Telefuvnnain bohtet čuojaheaddjái dábálaš golut telefonlaktasoahpamuša mielde, telefuvnnain ii dárbbaš máksit sierra bálvalanmávssuid. Bivdaga mieldemii sáhttit riŋget dutnje ruovttoluotta. 
 
Áššehasfitnamiin galgá soahpat ovddalgihtii, vai áššedikšu alladárkkisteaddji sáhttá várret ášši gáibidan áiggi, čoaggit áššegieđahallama várás dárbbašlaš dieđuid ja ordnet dárbbu mielde dulkka báikki nala.
 




< Ruovttoluotta > Čálit siiddu