Äʹ ššlažkääzzkõs

Minoritettåskkoummu konttrest lij äʹ ššlažkääzzkõs päiʹǩǩ,koozz vuäitt väʹldded õhttvuõđ
  • jõs leäk tobddâm leʹbe huõmstam čårstmõõžž naroodlaž alggpuättmõõžž leʹbe ålggjânnamvuõđ diõtt
  • jõs toobdađ, što leäk šõddâmrooddčårstemsânja leʹbe pannvueʹǩǩsânja õʹnnum seämma määiʹnin
  • ooudbeäʹlnn peäggtum aaʹššin še nuuʹbb beäʹlest leʹbe õhttsaž ääʹššest
Čårstmõõžž šõddâm diõtt minoritettåskkooumaž âlgg taarbšemnallšem tuåimid.

Jeeʹres ku meerlažvuõʹtte leʹbe ålggjânnamvuõʹtte kuõskki čårstmâʹttʼtem valvvmõš leʹbe tõid kuõskki vuäʹpstõs jiâ kuul minoritettåskkoummu tuåimmvoudda. Taarb mieʹldd jååʹđtep šõddmõõžž ääʹššest tuåimmväʹlddsa veʹrǧǧnekka.
 
Minoritettåskkoummu konttra vuäitt leeʹd õhttvuođâst puõʹttinalla:
 
Teʹlfon
 
Peiʹvvrõõttâm teʹlfon nââmar lij 071 878 8666 (arggpeeiʹvi  10-12). Teʹlfoonest peiʹvvrõõtti pâʹjjtaʹrǩǩeei oudd vuäʹpstõõzz ääʹšš čiõlggeem diõtt da suåpp vueiʹttemnallšem juätkktuåimid ääʹšš ooudårra viikkâm diõtt.
 
Teʹlfoonest vueiʹttep kääzzkâʹstted tuu lääddas, ruõcc leʹbe engglõs ǩiõlin.  

Peiʹvvrõõttmõõžžâst liâ kõskkpeiʹvvpoorrâm- da saaǥǥstõõllâmkõõht.Teʹl puõʹtti teʹlfonsaaǥǥ mâʹnne kuvdlõʹsse, koʹst iʹlmmte täärǩben äʹšškääzzkâʹsttem vuäǯǯamvuõđâst.
 
Neʹttpååʹšt leʹbe ǩeʹrjj

Čårstmâʹttʼtem šõddâm diõtt da jeeʹres kõjldõõzzin miʹjjid vuäitt vuõltteed neʹttpååʹšt addrõʹsse ofm(at)ofm.fi. 
 
 
Ǩeeʹrj vuäitt vuõltteed addrõʹsse:
                 Minoritettåskkoummu koontâr  
                 PČ 26
                 00023 VALTIONEUVOSTO
 
Ǩeeʹrj vuäitt kueʹđđed še vahttmäästra, addrõõzzâst Mikonkatu 25.
 
Aǥu jiõk siltted lääddas, ruõccâs leʹbe enŋŋlõssân, vuäitak tuåimmted ǩeeʹrj leʹbe neʹttpååʹšt jieʹnnǩiõlinad, mâŋŋa minoritettåskkoummu koontâr jååʹrǥlâtt ǩeeʹrj. Täʹst jiâ šõõd äʹššlaʹžže kuul. Tuäivvap, što vuõlttuum teekst kookkadvuõtt leʹčči jäänmõsân kueʹhtt seeid.
 
Lokku väʹlddem ääʹšš:
 
Konttâr kääzzkâʹsttmõõžž liâ määusteʹm. Teʹlfonsaaǥǥstõõllmõõžžin sâʹdde soiʹttjeeja takai õhtteemsuåppmõš mieʹlddsa kuul, jeerab kääzzkâʹsttemmääusaid teʹlfonsaaǥǥstõõllmõõžžin ij taarbâž mähssed. Raukkmest vueiʹttep soiʹttjed tuʹnne mååusat.
 
Äʹššlažjååʹttmest âlgg suåppâd ääiʹjbeäʹlnn, što ääʹšš håiddai pâʹjjtaʹrǩǩeei vuäitt vaʹrrjed ääʹšš oolǥtem ääiʹj, noorrâd ääʹšš ǩiõttʼtõõllâm diõtt taarbšem teâđ da reäšš taarb mieʹldd tuulk pääiʹǩ ool.




< Mååusat > Printtei seeid