Rávvagat guoddaleami dahkamii vehádatáittardeaddjái

Go ilmmuhat iežat vásihan vealaheamis dehe dohkketmeahttun dilis vehádatáittardeaddjái, de jođálnuhtát dáhpáhusat gieđahallama go válddát vuhtii čuovvovaš áššiid.

 

Guoddaleapmi dahkkojuvvo mielalis čálalaččat. Dan sáhttá sáddet boastta mielde, rávdnjeboasttain dehe guođđit vehádatáittardeaddji doaimmahaga vuostáiváldimii. Vehádatáittardeaddji doaimmahaga bargogielat leat suoma-, ruoŧa- ja eŋgelasgiella. Jos it máhte dáid gielaid, de sáhtát čállit iežat gielain. Vehádatáittardeaddji doaimmahat jorgalahttá du reivve, mas eai šatta dutnje golut. Mii sávvat, ahte du doaimmahan deavstta guhkkodat livččii eanemusat guokte siiddu.

 

Guoddaleamis galgá muitalit

-          gean doaibma árvvoštallojuvvo

-          goas ášši lea dáhpáhuvvan

-          man dáhpáhusa, gieđahallama dehe mearrádusa guoddaleaddji atná etnihkalaš  

-          manne jearaldatvuloš áššis lea guoddaleaddji mielas dáhpáhuvvan etnihkalaš

           vealaheapmi dehe dat lea muđuid meannuduvvon vearrut

-          oažžugo áššis konkrehta duođaštusa (ovdamearkkadihte vealahahtti mearrádus)

-          leago ášši johttáhuvvan eará sajes

-          leago guoddaleaddjis veahkki, omd. láhkaolmmoš

-          guoddaleaddji oktavuohtaváldindieđut

 

Guoddaleapmái gánnáha laktit kopiijaid ášši mearrádusain dehe eará áššegirjjiin.

 

Guoddaleami sáhtát sáddet

 

-     boastačujuhusain:

 

-     rávdnjeboasttain:

ofm(at)ofm.fi

 

Sáhtát maid buktit guoddaleami virgedoaimmahatmeaštárii fitnančujuhusasteamet Mikonkatu 25, Helsinki.

 

Áššehasfitnamiin galgá soahpat ovddalgihtii, vai áššedikšu alladárkkisteaddji sáhttá várret ášši gáibidan áiggi, čoaggit áššegieđahallama várás dárbbašlaš dieđuid ja ordnet dárbbu mielde dulkka báikki nala. 

Telefuvnna bakte sáhtát jearrat ráđi gohcci alladárkkisteaddjis árgabeivviid d. 10 – 12 nummáris 071 878 8666

 

Doaimmahaga bálvalusat leat nuvttá.