MinoritetjengovolliboskeriMinoritetjengovolliboskeri hin tšenstakiiri, koonesko butti hin te fendjavel etnisko minoritetjengo ta auriakothemmenkiirengo stedos, itveeriba ta horttibosko siiliba ta panna tšihka etnime bandri aro Finnesko Them. Minoritetjengovolliboskiiri hin niina nationaalo komuniskobiknibosko ranniboskiiri.
Minoritetjengo volliboskerjako ring vojula te džal naalal merknimes, ke hin kokares pinsadas etnime ringtšuuviba elle hin vaures hogadas douva fanimes. Aro ringtšuuvibosko staavibi ta aro vaure puĥĥibi vojuvena te baĥaven aro Minoritetjengovolliboskerjako ofitsijako saakakeroskotšenstiba p. 071 878 8666 (divisako tiiji 10-12).
Minoritetjengovolliboskeri vallila itveeriboskolaagako džintime etnisko biringtšuuvibosko phertiba ta auriakothemmengiirenko horttibongo phertiba. Minoritetjengokovolliboskeri tšeerela ta angouvila fröijime maneeri etnime ringtšuuvibosko biniekimen ta itveeribosko fendjimeske ta panna lela dielos phennibonsa ta rikkibosko ringtšuuviba.
Minoritetjengovolliboskerjako stedos hin peskero ta uutan faldiba. Minoritetjengokovolliboskeri ofitsija hin tšundo aro arrunosaakengoministeriako tšetiba. Minoritetjengovolliboskeri hin Eva Biaudet.
|
